شوفتوا عيله عليش عاملين ايه ف رمضان

عيلة عليش عيلة مصريه ساكنة ف الطالبيه هرم يعنى ف حته شعبيه بس ياخسارة عليهم حركات رمضانيه مش لاقيه بعيلة مصريه اسلاميه
عشان مطولش عليكو اعرفكو ع العيلة الجميلة دى
نبتدى بالاستاذ عليش عوكاشه عليش ده اسمه موظف بمصنع ف 6 اكتوبر عنوه 3 اولاد حماده الكبير ف كليه تجارة بقالو يجى 6 سنين ومخلصش وما بشتغلش طبعا ف الاجازة يعنى فاضيلنا رمضان ده , والتانيه شوشو داخلة اولى ثانوى ومجنونة تامر حسنى بتحبوه اكتر من اهلها كلهم ,واخيرا وليس اخرا اخر العنقود ميدو ف 6 ابتدائى بس غبوة الدنيا فيه و فاكر نفسه ابو تريكة ف زمانه ,والام بقا الست سندس ما شاء الله مفيش ف حياتها غير 3 حاجات :الطبيخ والمسلسلات والنميمه (اللهم احفظنا )
العيلة دى ف رمضان بتعمل حاجات مش بتاعة رمضان خالص بصو انا مش حطول عليكو بس شوفوا العيلة دى ف يوم ف رمضان من اول ما يصحو يعملو ايه
الاستاذ طبعا يقوم يروح شغلوا الصبح بدرى وياهههههههههههه ع كل اللى بيشتغلو معاه ف يوم من ايام رمضان يبقى مش طايق حد يكلموه وكل اللى يكلموه ياعنى يشخط فيه ويتحجج بايه قال الدنيا صيام والسجاير عاملةعميلها معا يرجع من شغله الساعة 4 العصر ويخش من البيت ع السرير عدل من غير حتى ما يسلم ع اهل بيته ويسألهم عاملين ايه (يلا بقا ما الدنيا صيام والسجاير عاملة عميلها) يقوم ع مدفع الافطار بالظبط و اول ما الاذان ياذن يجرى ع الاكل من غير حتى مايقول دعاء الافطار ( يالله ) يفضل ياكل كانه اخر زاده و بعد ما ياكل ع طول يتفرج البيه ع مسلسله المفضل ماتخفوش وبعد الحلو والشاى ينزل البيه يقعد ع القهوة (اد ايه مش حيصلى المغرب ؟)لا مغرب ولا عشاء ولا ترويح ولا اى حاجة (يا مغيث) يفضل بقا هو واصحابه يتكلموه ويرغوا ف الاسعار والغلا و الكورة وبس (طب والدين والصلاة) لالالالا انسى لحاااااااااااد الصحور الساعة مثلا 2.3 كده وبعدين يتصحر وينامممممممممممم لحد تانى يوم وهكذا..............
اما طنط سندس ام حماده دى بقا اخر عسل تصحى الصبح الساعة 1 الظهر (الصبح والظهر ازاى؟) اهو هو كده تصحى وتقوم تعمل الاكل لحد مايجى ميعاد الفطار فضله خيرك ايه بقا المحمر والمشمر والحلو والمخلل و كل يوم ف رمضان تعمل محشى و نظرا لان طنط سندس تزن من الكيلووات 100 كيلو ف ده بخيلى عمليه الطبيخ صعبه شويه (شويه اد ايه؟) شويه وخلاص بقا المهم اول م المدفع يضرب وتكون رصت الاكل الكتير اوى اوى اوى ده ع السفرة تبتدى بقا المعركة الضاريه بين ام حمادة والاكل تفضل تاكل لحاااااااااااااد العشاء ما يدن والكل قام وحلى الا هيا (شيأنة برضو الست مش طول النهار ف المطبخ)واول ماتخلص الاكل والمواعين ع الساعة 10 كده تبتدى المعركة التانيه والتالته معا المعركة التانيه المسلسلات من المسلس ده للمسلسل ده تتفرج ع كل المسلسلات الموجوده كلها لحاد تانى يوم الفجر والمعركة التالته بقا النميمه والغيبه تطلعها صحبتها سعاد وصاحبتها فوزيه ويشتغلوا اصحابه يودعوها الساعة 12 1 كده وتنتهى المعركة التالته وتستمر المعركة التانيه وهيا المسلسلات وتفضل طول المسلس تتريق ع الممثلين و الممثلات (ايه العظمه دى) لحد ما تيجى الساعة 2.30 تحضر السحور ويتسحروه وتغسل المواعين الكتيييييييييييييير الللى كلوا فيها وتناااااااااااااامممممممم لحد تانى يوم وهكذا..............
اما البكر الاستاذ حماده العوطلى ده بقا حكايتوه حكايه ف نظرى هو اسوء واحد فيهم ياربى عليه يصحى من النوم ع المدفع عدل (من امتى بقا؟) من امبارح (اوه من امتى يعنى ؟) يعنى من الساعة 9 10 كده (لحاد الساعة 6.30؟) اصله حيصحى بدرى ليه حيعمل ف النهار ايه هو كان بالنهار يصحى و يشربله سيجارتين وينزل مع اصحابه ف الشارع يقفوا ع الناصيه ويعكسوا البنات و بما انا البنات ف رمضان بيتحجبوه ويحتشموه وبما انه صايم بالنهار يبقى ينام احسن وبعد ما ياكل ويفطر كويس ويحلى ويشرب الشاى ينزل يقف ع الناصيه مع اصحابه (ما شابه اباه فما ظلم ) ويفضلوا بقا اللى كانوا بيعملوا قبل رمضان يعملوه بعد الفطار يعكسوا البنات ويدخنوا سجاير زى ما هما عايزين و بعدين بعد ما الزحمه تروق والناس تخص صلاة الترويح يخرجوا ع الحسين السيده عشان طبعا يكلوا رز بلبن و يعقدوا عالقهاوى اللى هناك واحيانا بيتعزموا ع خيمه رمضانيه من قبل اصحابهم وكده ويفضلوا يتفسحوا لحااااااااااااااااااادددددددد السحور يتسحروا بره ويلفوا تانى شويه ويرجعوا البيت ع 9 10 كده ويناااااااامممممممممممم لحاد تانى يوم وهكذا........
نيجى للبنوتة التانيه شوشو شوشو تصحىبدرى شويه الساعة 3 كده (عشان تساعد مامتها )لالالالالالالا عشان تلحقلها كام مسلسل كده عالسريع وبعدين تفطر وسط العيلة وبعدين .... تشغل الصب ع اخره ع تامر حسنى اصلها متقدرش تعدى يوم من غير ما تسمعه مهيا بتسمعه تشيت ع السريع مع ناس تعرفهم وما تعرفهمش و الصب شغال ع اخره لدرجة ان الحاجة سهير وبناتها مش عارفين يقروا القران ولا يصلوا الترويح ف بيوتهم بخشوع وهدوء (يا خسارة)فعلا وتفضل ع الحال ده لحااااااااااااااادددد السحور بس مش ده بس تفضل طول ما هيا قاعدة ماسكه طبق محشى او حلويات اصلها طالعة لمامتها وبعد كده تتصحر وتنااااااااااامممممممم لحاد تانى يوم وهكذا............
واخيرا اخر العنقود ابو تريكة العصر القادم يصحى من النوم الساعة 12 الظهر (ياههههههههه اخيرا حد صحيى بدرى ف البيت ده) اصله عندو دورة رمضانيه مهمه جدا ف مركز شباب الطالبيهالصبح ينزل يدربلها من الساعة 12 لحااااااد الساعة 4.30 يجى بقا من التدريب ده ع السرير عدل (اصله بيتعب برضو) يقوم ع المدفع يفطر كما ينبغى طبعا زى باقيه العيله والساعة 7 ميعاد الدورة الللى حايلعبها يلعب لحاااااااد الساعة 12 وبعدين يطلع يفضل يتخانق مع اختوه لحاد السحور ع مين ياخد الكمبيوتر وبعدين برضو اختو تاخدوه وهو يتفرج ع الكارتون لحااااااااااد السحور يتسحر ةينام وهكذا لحاد تانى يوم
هيا دى عيلة عليش ف رمضان مسلسلات . خروجات. نميمه ورغى ع الفاضى و اهم حاجتين ف يومهم النوم والاكل ياخسارة اوى
يارت ترضو علينا وتقولنا رايكم وتعليقاتكم